பாத்திமா கல்லூரி, மதுரையில் சர்வதேச தமிழ் கருத்தரங்கு

“காலங்களை கடந்த கவிதைகள்” – மாணவர்களையும் ஆய்வாளர்களையும் கவர்ந்த சிறப்பு அமர்வு

மதுரை | 17 பிப்ரவரி 2026

பாத்திமா கல்லூரி (தன்னாட்சி), மதுரை, தமிழ் உயர்வாய்வு மையம் மற்றும் நவீன தமிழாய்வு இதழ் ஆகியவை இணைந்து, தமிழ் மொழி, இலக்கியம் மற்றும் பண்பாட்டு தொடர்ச்சி குறித்து ஒரு சர்வதேச கருத்தரங்கினை (International Conference) 17.02.2026 அன்று காலை 9.00 மணிக்கு பாத்திமா கல்லூரி வளாகத்தில் சிறப்பாக நடத்தின.

இந்த சர்வதேச கருத்தரங்கில் பல்கலைக்கழக பேராசிரியர்கள், ஆய்வாளர்கள், மாணவிகள் மற்றும் தமிழ் ஆர்வலர்கள் கலந்து கொண்டு, தமிழிலக்கியத்தின் தொன்மையிலிருந்து இன்றைய 21-ஆம் நூற்றாண்டு வரை உள்ள வளர்ச்சியைப் பற்றி ஆழமான சிந்தனைகளில் ஈடுபட்டனர்.

கருத்தரங்கு முனைவர் லதா அவர்களின் வரவேற்புரையுடன் தொடங்கியது.
முனைவர் சகோதரி இக்னேஷியஸ் மேரி அவர்கள் தலைமை உரையை வழங்கி, இன்றைய சமூகச் சூழலில் தமிழ்ப் படிப்புகளின் அவசியத்தையும் மனிதநேய விழுமியங்களின் முக்கியத்துவத்தையும் எடுத்துரைத்தார்.
முனைவர் டயானா சிர்ட்டி அவர்கள் கருத்தரங்கின் நோக்கம் மற்றும் இலக்குகளை விளக்கினார்.

திரு. சோகாலிங்கம் பிரகாசம் அவர்கள் பழமொழிகள் குறித்த சிறப்பு உரையாற்றி, தமிழ்ச் சமூகத்தின் வாழ்வியல் ஞானத்தை எடுத்துக்காட்டினார்.
நிகழ்ச்சியை முனைவர் பொன்னி அவர்கள் சிறப்பாகத் தொகுத்து வழங்கினார்.
ஆராய்ச்சி மாணவி சக்தி லட்சுமி அவர்கள் நன்றியுரையை வழங்கினார்.

சிறப்பு விருந்தினர் உரை – “காலங்களை கடந்த கவிதைகள்”

இந்த சர்வதேச கருத்தரங்கின் முக்கிய அம்சமாக, ஆம்பல் தமிழ் சங்கத்தின் தலைவர் டாக்டர் ரவி கோவிந்தராஜ் அவர்கள் வழங்கிய “காலங்களை கடந்த கவிதைகள்” என்ற தலைப்பிலான சிறப்பு உரை அமைந்தது.

தமது உரையில், தமிழ்க் கவிதையின் ஆழத்தை உணர 2500–3000 ஆண்டுகள் பின்னோக்கிச் செல்ல வேண்டிய அவசியம் இருப்பதாக அவர் குறிப்பிட்டார்.
தமிழ் என்பது ஒரு மொழி மட்டுமல்ல; அது முழுமையான அறிவு மற்றும் வாழ்வியல் முறைமை என்றும்,
செம்மொழிக்கான பதினொரு தகுதிகளையும் கொண்ட உலகின் மிகப் பழமையான மொழி தமிழ் என்றும் விளக்கினார்.

சங்ககாலம் முதல் 21-ஆம் நூற்றாண்டு வரையிலான தமிழ்க் கவிதை வளர்ச்சியை
திருக்குறள், தொல்காப்பியம், எட்டுத்தொகை, பத்துப்பாட்டு, ஐம்பெருங்காப்பியங்கள், பக்தி இலக்கியம், நவீன கவிதைகள் ஆகியவற்றின் மூலம் தெளிவாக எடுத்துரைத்தார்.

“21-ஆம் நூற்றாண்டு வரலாற்றைப் படிப்பதற்காக மட்டுமல்ல; அதை எழுதுவதற்காகவும் உள்ளது”
என்று கூறிய அவர், மாணவிகள் தங்களை எதிர்காலத் தமிழ்ப் படைப்பாளர்களாக உருவாக்க வேண்டும் என ஊக்கமளித்தார்.

மாணவர்களுடன் கலந்துரையாடல்

இந்த உரையின் போது, மாணவிகளிடம் தமிழ் இலக்கியம் மற்றும் நவீன தொழில்நுட்பச் சொற்களின் தமிழாக்கம் தொடர்பான கேள்விகளை எழுப்பிய டாக்டர் ரவி கோவிந்தராஜ், சரியான பதில்களை வழங்கிய மாணவிகளுக்கு மொத்தம் ரூ.1500/- பரிசுத் தொகையை வழங்கினார்.

மாணவிகள் மிகுந்த உற்சாகத்துடன் பங்கேற்று, இந்த அமர்வை மகிழ்ச்சியான, அறிவார்ந்த, ஊக்கமளிக்கும் அனுபவமாக மாற்றினர்.

கூடுதல் சிறப்பு பங்கேற்பு

இந்த சர்வதேச கருத்தரங்கில், பாதர் எஸ். மணி வளன் அவர்களும் சிறப்பு விருந்தினராக கலந்து கொண்டார்.
ஆன்மிகம் மற்றும் மத இலக்கியத் துறையில் பல நூல்களை எழுதியுள்ள குறிப்பிடத்தக்க எழுத்தாளராக விளங்கும் அவர், தமிழ்ச் சமய இலக்கிய மரபில் முக்கிய பங்களிப்பைச் செய்து வருபவர் என்பது குறிப்பிடத்தக்கது.

தமது சிறப்பு உரையின் போது, டாக்டர் ரவி கோவிந்தராஜ் அவர்கள்,
பாதர் எஸ். மணி வளன் எழுதிய சமய நூல்களில் இடம்பெற்ற கருத்துகள், வாழ்வியல் சிந்தனைகள் மற்றும் இலக்கியக் கூறுகளை மேற்கோளாக எடுத்துக் கூறி,
அவற்றை தமிழிலக்கியத்தின் நீண்ட மரபுடனும் இன்றைய சமூகச் சூழலுடனும் இணைத்து விளக்கினார்.

இந்தக் குறிப்புகள் உரைக்கு ஆன்மிக ஆழமும் அறிவார்ந்த பரிமாணமும் சேர்த்ததுடன்,
மாணவிகளிடையே சமய இலக்கியத்தின் சமூகப் பங்களிப்பு குறித்த புதிய புரிதலை உருவாக்கியது.

சிறப்பு நன்றியறிவிப்பு

இந்த சர்வதேச கருத்தரங்கிற்கு சிறப்பு விருந்தினராக டாக்டர் ரவி கோவிந்தராஜ் அவர்களை அழைத்து வருவதில் முக்கிய பங்கு வகித்த
ராஜா மாதா டாக்டர் கமலா முருகன்,
ஆம்பல் தமிழ் சங்கத்தின் மாநிலத் தலைவர் மற்றும்
சென்னை குயின் மேரிஸ் கல்லூரி பேராசிரியர்
அவர்களுக்கு, பாத்திமா கல்லூரி நிகழ்ச்சி ஒருங்கிணைப்புக் குழு தங்களது சிறப்பு நன்றியை தெரிவித்தது.

கருத்தரங்கின் தாக்கம்

இந்த சர்வதேச கருத்தரங்கு,
தமிழிலக்கியம் என்பது கடந்த கால நினைவுச் சின்னம் அல்ல;
இன்றைய சமூகத்தையும் எதிர்கால தலைமுறையையும் வழிநடத்தும் உயிருள்ள அறிவுச் செல்வம் என்பதைக் கூறாக வலியுறுத்தியது.